Qürur mənbəyi

Abbasov Abdulsalam Müzəffər oğlu 06 avqust 1966-cı ildə Astara rayonun Kijəbə qəsəbəsində doğulmuşdur. 1973-cü ildə Astara rayonun Kijəbə qəsəbəbə orta məktəbin 1-ci sinfinə getmiş və 1983-cü ildə həmin məktəbin 10-cu sinfini bitirmişdir. 1984-cü ildə Ordu sıralarına çağırılmış və 1986-cı ildə Ordu sıralarından qayıtmışdır. 1988-ci ildə Qafur Məmmədov adına “Bakı Hərbi Dəniz  Yolları Uçilişi”nə daxil  olmuş və 1991-ci ildə Kaspar idarəsində işə daxil olmuş və Kalmıkiya gəmisində III dərəcəli mexanik işləmişdir. 1992-ci ildə vətənin dar günündə könüllü olaraq Qarabağ müharibəsində Tağım komandiri kimi iştirak etmiş. Döyüşlərdə göstərdiyi yüksək bacarıq və iradəyə görə Baş Leytinant rütbəsinə qədər yüksəlmişdir. 1993-cü ilin dekabr ayında Ağdam rayonunun Güllücə kəndi uğrunda gedən  döyüşdə düşmən qarşısında bir addımda olsa geri çəkilməyərək vətəni Azərbaycan uğrunda şəhid olmuşdur.

_________________________________________________________________________________

    Həsənov Nail Babulla oğlu 20 fevral 1975-ci ildə Astara rayonun Kijəbə qəsəbəsində anadan olmuşdur. 1982-ci ildə Kijəbə qəsəbə orta məktəbinin I sinifinə daxil olmuşdur. 1992-ci ildə həmin məktəbin XI sinifini bitirmişdir. 1993-cü ilin aprelin 20-də Cəliləbad rayonunun Göytəpə şəhərindəki (əvvəlki Prişib qəsəbəsi) N saylı hərbi hissədə xidmətə başlamışdı. Burada 20 gün hərbi hazırlıq keçdikdən sonra  Beyləqan və Füzuli rayonlarında hərbi xidmətini davam etdirmişdir. 1994-cü ildə Şiişqaya uğrunda gedən döyüşlərdə son damla qanına qədər  vuruşmuş və şəhid olmuşdur.

   Hal-hazırda bir vaxtlar təhsil aldığı Kijəbə qəsəbə tam orta məktəb şəhid N.Həsənovun adını daşıyır.

_________________________________________________________________________________

       Rzayev Azər  Nizaməli oğlu Astara

  rayonun Kijəbə  qəsəbə Ojəkəran kəndində

  1981-ci ildə anadan olub. 1998-ci ildə Kijəbə

  qəsəbə tam orta məktəbi bitirib. 2000-ci ildə

  hərbi xidmətə çağırılmışdır. Hərbi

  xidmətini Tovuz rayunundakı  812 №-li

  hərbi hissədə davam edirdi. Xidməti zaman

  2001-ci il 28 aprel Tovuz rayunun Qaralar

  kəndində Erməni kəşfiyyatları sərhədi

  pozaraq torpağımıza keçməyə cəhd etmişdilər. Bu zaman atışma başlayır. Döyüş vaxtı Azər düşmən gülləsinə tuş gəlir. Tibbi yardım alsa da lakin, həyatını xilas etmək mümkün olmamışdır.

  _____________________________________________________________


 Yusifov Seyran Eynəli oğlu 20 dekabr 1974-cü ildə Kijəbə qəsəbəsində anadan olmuşdur. 1982-ci ildə Kijəbə qəsəbə orta məktəbin I sinifinə daxil olmuşdur. 1992-ci ildə həmin məktəbin XI sinifini bitirmişdir. Məktəbi bitirdikdən sonra vətən qarşısındakı borcunu yerinə yetirmək üçün hərbi xidmətə çağrılmışdır. 1993-cü ildə Astara rayonundakı N saylı hərbi hissədə növbəti hərbi tapşırığı yerinə yetirərkən  qar uçqununa düşmüş və şəhid olmuşdur.

   Hal-hazırda Qəcimardə kənd orta məktəbi Seyran Yusifovun adını daşıyır.