İstedadlı şagirdlər

  

    Fətullayev Yusif Teymur oğlu

 14 may 2008-ci ildə Astara rayonun Kijəbə qəsəbəsində anadan olmuşdur. O, əvvəl uşaq baxçasında şifahi saymağı və müxtəlif şeirləri əzbərdən deməyi öyrənmişdir. 15 sentyabr 2013-cü ildən N.Həsənov  adına Kijəbə qəsəbə tam orta məktəbində oxumağa başlamışdır. İlk günlərdən sinif yoldaşlarından oxumağı və düşüncə tərzi ilə fərqlənmişdir. Onun ən böyük arzusu böyüyəndə asayiş quruyucusu olmaqdır.

    2013-cü ildə Azərbaycan Respublikası Vergilər Nazirliyinin və Azərbaycan Respublikası Təhsil Nazirliyinin birgə həyata keçirdiyi “Vergi Dostları” layihəsi çərçivəsində” “Nika Çeki” tələb edək, dövlətə xidmət edək”  yarışmasında III dərəcəli diplomla təltif olunmuşdur.

   2014-cü ildə “Vergi uşaqların gözü ilə” rəsm müsabiqəsində uğurla iştirak edərək fərqlənmə diplomu ilə təltif olunmuşdur.
   2016-cı ilin sentyabr ayından Astara şahmat məktəbində bu qədim oynun sirlərini öyrənir.

    Asudə vaxtlarında müxtəlif fiqurlar düzəltməyi xoşlayır.

    Balaca Yusifin gündəlik dərslərində əla qiymətlərin sayı artdıqca,  gələcəyə inamı da artır.

__________________________________________________

Fətullayeva Fidan Teymur qızı 

26 oktyabr 2006-cı ildə Astara rayonun Kijəbə qəsəbəsində dünyaya göz açmışdır. Hərfləri və sadə riyazi hesablamaları məktəbəqədər təhsil müəssisəsində öyrənmişdir. Nənəsi Şükufə xanımın bu işdə böyük rolu olmuşdur.

Balaca Fidan N.Həsənov adına Kijəbə qəsəbə tam orta məktəbində 2012-ci ildən oxumağa başlamışdır.

Məktəbdə oxuduğu  5 il ərzində müxtəlif tədbirlərdə iştirak etməklə şagird yoldaşlarından  fəallığı ilə fərqlənmişdir.

22 may 2013-cü ildə Azərbaycan xalqının böyük satirik şairi Mirzə Ələkbər Sabirin anadan olmasının 151 illiyinə həsr olunmuş ədəbi-bədii gecədə fəal iştirakına görə məktəb rəhbərliyi tərəfindən “Tərifnamə” ilə təltif olunmuşdur.

         2014-cü ildə 6 saylı Ərazi Vergilər İdarəsi Lənkəran rayonu üzrə keçirilən “Vergi uşaqların gözü ilə” rəsm müsabiqəsində uğurla iştirak edərək III dərəcəli diplomla təltif olunmuşdur.

Həkim olmaq arzusu ilə gündən-günə böyüyən Fidan xanımın musiqiyə də böyük həvəsi vardır. Bu həvəs 2015-ci ilin sentyabr ayında reallaşmışdır. O, Astara Musiqi Məktəbinin fortopiano şöbəsinin I sinifinə  daxil olmuşdur.

    Çalışqanlığı və mehribanlığı ilə hər kəsin rəğbətini qazanan bu gülərüz, ağıllı balamıza gələcək həyatında uğurlar diləyir, səsinin daim yüksəklərdən gəlməsini arzu edirik.
________________________________________________

Həmidov Məhəmməd Elşad oğlu 

11.04.2002-ci ildə anadan olub.

N.Həsənov adına Kijəbə qəsəbə tam orta məktəbin 8-ci sinifində təhsil alır. 4 ildir ki, idmanın "Qaydasız döyüş" növü ilə məşğul olur. Azərbaycan birinciliyində Astara, Lənkəran, Şəmkir və  Bakı şəhərlərindədəfələrlə məktəbimizi yarışlarda uğurla təmsil etmişdir. 

Ən böyük arzusu gələcəkdə Azərbaycanın bayrağını Olimpiya oyunların da dalğalandırmaqdır.

_______________________________________

Gülməmmədov Məhsun Qədir oğlu

 08.08.2003-cü ildə anadan olub.N.Həsənov adına Kijəbə qəsəbə tam orta məktəbin 7-ci sinifində təhsil alır. İdmanın Kinq-boks növü ilə 4 ildir ki, məşöul olur. Azərbaycan birinciliyində Astarada, Lənkəran, Biləsuvar, Masallı, İmişli , Şəmkir və bakı şəhərində keçirilən mötəbər yarışlarda iştirak edərək mükafata layiq yerlər tutmuş, idman kürsüsünün ən yüksək zirvəsinə qalxmışdır.Ən böyük arzusu gələcəkdə ali məktəbə daxil olub sevimli peşəsini davam etdirməkdir.

______________________________________________________

Abdinova Emilya Teymur qızı

02 sentyabr 2001-ci ildə Astara rayonun Kijəbə qəsəbəsində anadan olmuşdur.

2006-cı ilin sentyabr ayında Kijəbə qəsəbə tam tam orta məktəbin 1-ci sinifinə qəbul olunmuşdur. Məktəbdə oxuduğu bu illər ərzində ictimai işlərdə fəallığı ilə sinif yoldaşlarından həmişə fərqlənmişdir. 

 2013-cü ildə Azərbaycan Respublikası Vergilər Nazirliyinin və Azərbaycan Respublikası Təhsil Nazirliyinin birgə həyata keçirdiyi “Vergi Dostları” layihəsi çərçivəsində” “Nika Çeki” tələb edək, dövlətə xidmət edək”  yarışmasında II dərəcəli diplomla təltif olunmuşdur.

Hal-hazırda Kijəbə qəsəbə tam orta məktəbin X sinifində təhsilini davam etdirir.

Riyaziyyat və bioloğiya fənlərini çox sevir.

Ən böyük arzusu orta təhsilini başa vurduqdan sonra Azərbaycan Dövlət Tibb Universitetinə daxil olmaqdır.

_________________________________________________________________________________

     Ağacanova İlahə Firudin qızı

18 avqust 2003-cü ildə Astara rayonun Kijəbə qəsəbəsində anadan olmuşdur . 2008-ci ildə Kijəbə qəsəbə tam orta məktəbin birinci sinfinə qəbul olunmuş,hal-hazırda VIII sinif şagirdidir.İstedadlıdır. Rəsm çəkməyi, mütaliəni ,bədii qiraəti çox sevir.Məktəbin bütün tədbirlərinin fəal iştirakçılarındandır.Bir neçə rayon səviyyəli müsabiqələrdə iştirak edərək hədiyyə və diplomlar almışdır.Vergilər Nazirliyinin “Vergi dostları”layihəsinə uyğun olaraq məktəbimizdə keçirilən rəsm müsabiqəsində I yerə layiq görülmüşdür.

Gələcəkdə ali təhsil almaq niyyətindədir. Arzusu Bakı Dövlət Universitetində oxumaqdır.

______________________________________________________